Jou krediet-telling is ’n belangrike syfer wat ’n groot impak op jou finansiële doelwitte kan hê. Dit word deur kredietverskaffers gebruik om jou geskiktheid vir lenings, kredietkaarte en selfs verbande te bepaal. Dit is belangrik om die faktore wat jou krediet-telling beïnvloed te verstaan as jy jou finansiële welstand wil verbeter. Hierdie artikel sit die hoof faktore wat jou krediet-telling beïnvloed uiteen.
1. Betalingsgeskiedenis
Die belangrikste faktor wat jou krediet-telling beïnvloed, is jou betalinggeskiedenis. Kredietverskaffers wil ’n konsekwente rekord van tydige betalings sien, aangesien dit aandui dat jy ’n verantwoordelike verbruiker is. Elke keer as jy jou rekeninge betyds betaal, beïnvloed dit jou krediet-telling positief.
Hierteenoor, kan laat betalings jou krediet-telling verswak. Selfs ’n enkele laat betaling kan jou kredietwaardigheid verlaag, veral wanneer dit as 30 dae of langer aangeteken word. Hoe langer ’n betaling agterstallig is, hoe meer sal dit jou krediet-telling benadeel. Dit is van kardinale belang om jou betalingstermyne na te kom om hierdie probleem te vermy.
2. Invorderings en Afskrywings
As jy vir ’n lang tydperk nie betalings maak nie, kan jou skuld na ’n invorderingsagentskap gestuur word of deur die kredietverskaffer afgeskryf word. Beide hierdie aksies het ernstige en langdurige nagevolge op jou krediet-telling, wat dit baie moeiliker maak om nuwe krediet in die toekoms te verkry.
3. Kredietgebruik
Kredietgebruik verwys na die bedrag krediet wat jy gebruik in vergelyking met jou totale beskikbare krediet. Dit word gewoonlik as ’n persentasie uitgedruk. Byvoorbeeld, as jy ’n totale kredietlimiet van R10 000 het en jou gekombineerde saldo’s oor al jou rekeninge
R3 000 is, is jou kredietgebruiksverhouding 30%.
Vir ’n gesonde krediet-telling word dit aanbeveel om jou kredietgebruiksverhouding onder 30% te hou. Laer gebruik dui daarop dat jy nie oorafhanklik van krediet is nie. Gevolglik sal kredietverskaffers makliker hulle vertroue in jou stel en moontlik laer rentekoerse bied.
Hoë kredietgebruik, soos om jou kredietkaarte tot hul limiete te gebruik, dui op finansiële nood of oorbesteding. Dit kan jou krediet-telling verlaag, aangesien dit daarop dui dat jy dalk sukkel om jou skuld verantwoordelik te bestuur.
4. Lengte van Kredietgeskiedenis
Kredietverskaffers verkies verbruikers met ’n langer kredietgeskiedenis, aangesien dit meer data oor jou finansiële gewoontes verskaf. Die ouderdom van jou oudste rekening, die ouderdom van jou nuutste rekening, en die gemiddelde ouderdom van al jou rekeninge word in hierdie faktor oorweeg.
Om ou rekeninge te sluit, kan jou krediet-telling negatief beïnvloed omrede dit die algehele lengte van jou kredietgeskiedenis verminder en jou kredietgebruiksverhouding kan verhoog as jy saldo’s na ander rekeninge oordra.
Vir diegene wat nuut met krediet is, is dit noodsaaklik om vroeg te begin om ’n kredietgeskiedenis op te bou. Die opening van ’n kredietkaart, die uitneem van ’n klein persoonike lening en die verantwoordelike bestuur daarvan kan help om oor tyd ’n positiewe kredietgeskiedenis te vestig.
5. Tipes Kredietrekeninge
Die feit dat jy verskillende soorte kredietrekeninge het, kan jou krediet-telling positief beïnvloed. Dit staan bekend as jou kredietmengsel. ’n Goeie mengsel kan kredietkaarte, paaiementlenings (soos motorlenings of studielenings) en kleinhandelsrekeninge, insluit. Kredietverskaffers wil sien dat jy verskillende soorte krediet verantwoordelik kan bestuur.
Versekerde krediet (soos ’n verband of motorlening) vereis kollateraal, terwyl onversekerde krediet (soos kredietkaarte) dit nie doen nie. Beide soorte krediet kan jou krediet-telling beïnvloed, maar die bestuur van ’n mengsel van versekerde en onversekerde rekeninge kan ’n sterk vermoë demonstreer om verskillende finansiële verpligtinge te hanteer.
6. Nuwe Krediet en Navrae
Wanneer jy aansoek doen vir nuwe krediet, sal kredietverskaffers ’n kredietnavraag doen om jou kredietverslag te kontroleer. Daar is twee soorte navrae: harde- en sagte navrae. Harde navrae, wat plaasvind wanneer jy aansoek doen vir nuwe krediet, kan jou krediet-telling tydelik verlaag. Sagte navrae, soos dié wat gemaak word wanneer jy jou eie krediet nagaan of wanneer ’n kredietverskaffer jou vooraf vir ’n aanbod goedkeur, beïnvloed nie jou punt nie.
As jy binne ’n kort tydperk om verskeie kredietrekeninge aansoek doen, kan dit jou krediet-telling negatief beïnvloed, aangesien dit moontlik daarop dui dat jy te vinnig te veel skuld aangaan.
7. Openbare Rekords en Regsaksies
Bankrotskap doen die grooste skade aan ’n persoon se krediet-telling. Dit kan tot 10 jaar op jou kredietverslag bly, wat jou punt aansienlik verlaag en dit uitdagend maak om nuwe krediet te verkry. Verder kan onbetaalde belastingretensieregte en siviele vonnisse ook ’n ernstige negatiewe impak op jou krediet-telling hê.
Om te verstaan wat jou krediet-telling beïnvloed, is die eerste stap om beheer oor jou finansiële welstand te neem. Deur van hierdie faktore kennis te neem en dit te bestuur, kan jy ’n sterk krediet-telling handhaaf en beter finansiële geleenthede verseker. Gereelde monitering en verantwoordelike kredietbestuur is die sleutel om jou krediet-telling in top toestand te hou. Bekom jou gratis kredietverslag vandag by www.checkhie.co.za .